განათების მნიშვნელობა ინტერიერის დიზაინში

განათება სივრცის მნიშვნელოვანი კომპონენტია. ის ქმნის ატმოსფეროს, რომელიც დაკავშირებულია ჩვენს გუნება-განწყობასთან. ამიტომ, როგორც სხვა დანარჩენს, განათების სისტემის მონტაჟსაც განსაკუთრებული დაგეგმვა სჭირდება.

სფეროს ექსპერტის Shelley Little -ის მოსაზრებით, ინტერიერის დიზაინის განხილვისას განათება ხშირად ყურადღების მიღმა რჩება და უპირატესობა ფერებს, ლამინირებული იატაკის ტიპს, ავეჯს ეთმობა. გვავიწყდება, რომ ყველაზე მდიდრული ოთახიც კი ცუდი განათების შემთხვევაში შეიძლება, ყველაზე უშნოდ გამოჩნდეს.

Shelley Little კი, ყველაზე დიდ შეცდომად ინტერიერში მხოლოდ ჭერის განათების დამონტაჟებას მიიჩნევს და გვირჩევს, თუ მხოლოდ ჭერის განათებას ავირჩევთ ჯობია ფენებად დავამონტაჟოთ. ,,განათების ეს სტილი ოთახს მიმზიდველს და ცოცხალს ხდის.’’

Jules Yap:  ,,იცოდეთ, რას ანათებთ. სამუშაო სივრცეა? სამზარეულო? მაგიდა მაკიაჟის გასაკეთებლად თუ მისაღები ოთახი? სხვადასხვა საჭიროებისას სხვადასხვა ტიპის განათებაა საჭირო.“

Martyn Lawrence Bullard: ,,იქ, სადაც სინათლე ირთვება ყველაფერი იცვლება - შეაქვს ხასიათი, ინტენსივობა და სიმყუდროვე.“

პირველ რიგში დაფიქრდით როგორი განათებაა საჭირო ოთახში და რისი მიღება გსურთ მისგან. ,,თუ თქვენ გჭირდებათ სიმყუდროვე, გამოიყენეთ მოძრავი სანათები და განათავსეთ ოთახის სხვადასხვა ნაწილში“ - ამბობს, Jen Stanbrook-ი.

KLC School of Designის დამფუძნებელი და დირექტორი Jenny Gibbs მიიჩნევს, რომ ინტერიერის დიზაინის ყველა ასპექტში, განათება ყველაზე დიდი გამოწვევაა. ,,განათება ჯადოსნური ჯოხია, რომელსაც შეუძლია სივრცეს სიცოცხლე შესძინოს, უფრო ფართო, მაღალი და ნათელი გამოაჩინოს. შექმნას სიმყუდროვის და სითბოს შეგრძნება.“

,,ყველაფერი განათებაა!’’ Toronto Interior Design Group-ის ექსპერტ Yanic Simard-თვის. განათების გარეშე სივრცე არ არის სრულყოფილი, უღიმღამო და უჟმურია.

თუ ოთახის გამოყენებას დღის სხვადასხვა მონაკვეთში, სხვადასხვა დანიშნულებით ვაპირებთ, Torie Wilkinson-ის რჩევით, უნდა დავაყენოთ განათება, რომელსაც მარტივად მოვხსნით და საჭიროებისამებრ გადავაადგილებთ. ეს ოთახს მოქნილობას შესძენს.

სრულფასოვანი განათება მნიშვნელოვნად აუმჯობესებს ოთახის ვიზუალს. ,,არჩევანი შეაჩერეთ თბილ ნათებაზე, გამოიყენეთ პატარა სანათები, რომელთა მეშვეობით, სტუმართმოყვარე და მეგობრულ ატმოსფეროს შექმნით.’’ - Gail Green.

,,ნუ შეზღუდავთ თავს, ნუ შემოიფარგლებით, მხოლოდ ჭერის განათებითა და მაგიდის სანათებით. იფიქრეთ იმაზე, თუ როგორ შექმნათ საინტერესო გარემო განათებით, მაგალითად, საწოლის ქვეშ, სარკის უკან, ბუხრების თავზე... იყავით ექსპერიმენტული.’’ - Sara Myall.