როგორ შევუკვეთოთ იდეალური ტემპერატურა სახლიდან გაუსვლელად? – კომპანია „ციტადელის“ ინიციატივა

„ციტადელი“, რომელიც სამშენებლო მასალების ერთ-ერთი მსხვილი კომპანიაა საქართველოში, ქვეყანაში COVID-19-ის გამო შექმნილი საგანგებო მდგომარეობის გათვალისწინებით, სამშენებლო საქმიანობის შეზღუდვის პრევენციის მიზნით, მომხმარებელს დისტანციურ მომსახურებას სთავაზობს.

დისტანციური მომსახურება გულისხმობს: შეკვეთის განხორციელებას დისტანციურად ტელეფონით: 032 2350035, ელფოსტით – info@citadeli.com ან მესინჯერის მეშვეობით და შეკვეთის ადგილზე მიტანას მთელი ქვეყნის მასშტაბით ყოველგვარი შეზღუდვის გარეშე როგორც ფიზიკური პირებისთვის, ისე კომპანიებისთვის.

რა ღირს იდეალური ტემპერატურა?

როგორ შევინარჩუნოთ იდეალური ტემპერატურა სახლში?

ოდესმე დაგიანგარიშებიათ, რამდენ ლარს იხდით ყოველწლიურად თქვენი საცხოვრებელი ფართის გათბობა-გაგრილებაში? რა მოხდება, თუკი გეტყვით, რომ ამ თანხის 35-45%-ით შემცირება ძალიან მარტივადაა შესაძლებელი და რომ, ფაქტობრივად, ეს თანხა ყოველწლიურად წყალში იყრება იმის ნაცვლად, რომ დაზოგოთ?

საქართველოში ბოლო რამდენიმე წელია, მომხმარებელი გათვითცნობიერდა სამშენებლო სფეროში. გარდა საცხოვრებელი ფართისა, ადამიანები აკვირდებიან, კონკრეტულად როგორ ზონაშია განთავსებული საცხოვრებელი კორპუსი; როგორ მოქმედებს მასზე ბუნებრივი განათება და გათბობა; რა სამშენებლო მასალითაა აშენებული კორპუსი და რაც ყველაზე მთავარია – არის თუ არა შენობა ენერგოეფექტური.

რა არის ენერგოეფექტურობა?

ენერგოეფექტურია ბინა, რომლის გათბობაზე დახარჯული ენერგია მაქსიმალურად ეფექტიანადაა გამოყენებული.

როგორ უნდა გავხადოთ ჩვენი ბინა ენერგოეფექტური? პირველ რიგში, უნდა გავითვალისწინოთ თავად სითბოს მოქმედება. ცნობილია, რომ სითბო ქვემოდან ზემოთ მიემართება, შესაბამისად, ჩვენი საცხოვრებელი ფართი ენერგიას სწორედ ჭერიდან და სახურავიდან კარგავს. ასე რომ, ჭერის კარგი თერმოიზოლირების შემთხვევაში ენერგიის 20-25% იზოგება. არანაკლები ენერგია იკარგება კედლებიდან და კარ-ფანჯრიდან.

ენერგოეფექტურობის მისაღწევად სხვადასხვა კომპანია მსოფლიოში უამრავ მასალას აწარმოებს. მათ შორის, ოთხი ყველაზე პოპულარული და ეფექტიანი მასალაა აქაფებადი პოლიესტეროლი, ექსტრუდირებული ქაფი, ქვაბამბა და მინერალური ბამბა.

სამშენებლო მასალების კომპანია „ციტადელის“ პროექტების მართვის დეპარტამენტის ხელმძღვანელი ირაკლი შეყილაძე აღნიშნავს, რომ თითოეულ მასალას კონკრეტული დანიშნულებით გამოიყენებენ. თუკი ქაფები იატაკების მოჭიმვის ქვეშ კეთდება, ქვაბამბასა და მინერალურ ბამბას, ძირითადად, კედლების თერმოიზოლირებაში ხმარობენ.

 

 

ხანძარსაწინააღმდეგო დანიშნულება

საქმე ისაა, რომ მინერალური და ქვაბამბები განსაკუთრებული ხანძარმედეგობით გამოირჩევა. ისინი 700-დან 1200 გრადუსამდე სიცხეს 1-2 საათის განმავლობაში უძლებს, რაც ადამიანებს დროული ევაკუაციის საშუალებას აძლევს. ამისთვის, შეყილაძის რეკომენდაციით, სჯობს, ბამბები განსაკუთრებით ხანძარსაშიშ ადგილებში დამონტაჟდეს, ქაფები კი – იატაკქვეშ, სადაც ხანძრის გავრცელების საშიშროება ნაკლებია. მინერალური და ქვაბამბების გამოყენება დღეს განსაკუთრებით საჭირო და აუცილებელიცაა, რადგან თანამედროვე შენობებს ლითონის კონსტრუქციებით აგებენ. ლითონის კონსტრუქციით შენების დროს კი აუცილებელია მათი შეფუთვა ისეთი პროდუქტით, რომელიც არ იწვის.

ხმის იზოლაცია

თანამედროვე სამყაროში ადამიანები ცდილობენ, საკუთარი სახლი მაინც გახადონ ხმისგან დაცული. ჩვენი გარემო ხომ განსაკუთრებით ხმაურიანია დღისა და ღამის ნებისმიერ მონაკვეთში. შესაბამისად, თერმოიზოლაცია თავის თავში ხმის იზოლაციასაც გულისხმობს.

 

რა გავითვალისწინოთ თბილისში?

როგორც კომპანია „ციტადელის“ წარმომადგენელი ირაკლი შეყილაძე გვირჩევს, თბილისის პირობებში, თერმოიზოლირებისთვის 5სმ-იანი ქვაბამბის შრე შენობის შესაფუთად სავსებით საკმარისია იმისთვის, რომ ბინა ენერგოეფექტური გახდეს და ჩვენი კომუნალური გადასახადებიც უფრო შემცირებული მოვიდეს.

თერმოსაიზოლაციო მასალები გამოიყენება მშენებლობის დროსაც და უკვე დასრულებული შენობის შესაფუთადაც, შესაბამისად, მისი გამოყენება შეუძლია არა მხოლოდ სამშენებლო კომპანიას, არამედ ინდივიდუალურ პირსაც, რომელიც ბინას არემონტებს ან სახლს აშენებს. ბოლო ორი წლის განმავლობაში თერმოსაიზოლაციო მასალებზე გაზრდილი მოთხოვნა ადასტურებს იმას, რომ საქართველოში უფრო და უფრო მეტი ადამიანი ზრუნავს ხარჯებისა და ენერგორესურსების დაზოგვაზე.

კომპანია „ციტადელი“ კი ნებისმიერი ტიპის მომხმარებელს თერმოსაიზოლაციო მასალების მრავალფეროვან არჩევანსა და კონსულტაციას სთავაზობს.

 

მომხმარებელს „ციტადელში“, ადგილზეც და დისტანციურად, შეუძლია, შეიძინოს როგორც ერთი, ისე ათასი კუბი თბოსაიზოლაციო სტანდარტული, საშუალო და პრემიუმ ხარისხის მასალები: ROCKWOOL, PENOPLEX, PAROC, TECHNONICOL, ISOVER, SAINT GOBAIN და სხვა.

როგორც კომპანიაში აცხადებენ, მათ მიერ მომარაგებული და დასაწყობებული პროდუქცია კერძო კომპანიებსაც და ფიზიკურ პირებსაც საშუალებას აძლევს, შეუფერხებლად განაგრძონ სამშენებლო საქმიანობა და შეუზღუდავად გამოიყენონ მრავალფეროვანი სამშენებლო მასალები.