The site is in test mode

Blog

რემონტისას ხშირად დაშვებული შეცდომები - რა უნდა გავითვალისწინოთ თუ სამზარეულოს მოწყობას პროფესიონალის ჩარევის გარეშე გადავწყვეტთ

18 April
რემონტისას ხშირად დაშვებული შეცდომები - რა უნდა გავითვალისწინოთ თუ სამზარეულოს მოწყობას პროფესიონალის ჩარევის გარეშე გადავწყვეტთ

რემონტი სახლის მოწყობის უმნიშვნელოვანესი ეტაპია. სახლის პირველადი სამუშაოებისას დაშვებულმა შეცდომამ კი შეიძლება შემდგომში ისეთი სავალალო სიტუაციები გამოიწვიოს, რაც ორმაგ ხარჯებთან იყოს დაკავშირებული.

 

სწორედ ამიტომ, ციტადელი გიზიარებთ რემონტისას ხშირად დაშვებულ შედომებს და რაც მთავარია, მსგავსი პრობლემებისგან თავის არიდების გზებს.

 

პირველ რიგში, განვიხილოთ სამზარეულოს გამართვა, რომელიც ხშირ შემთხვევაში პროფესიონალის ჩარევის გარეშე ხორციელდება ხოლმე და სწორედ ამიტომ ბევრ პრობლემას წარმოშობს.

 

სამზარეულოს წყალმომარაგება სახლის ერთ-ერთი ყველაზე ექსპლუატირებადი ნაწილია, ამიტომ მისი მოწყობის დროს სასურველია  რემდენიმე გარემოება გავითვალისწინოთ.

 

სამზარეულოების ძირითად ნაწილში წყალგაყვანილობის მილები კედლებსა და იატაკშია ჩაშენებული, შესაბამისად, ნებისმიერ გაჟონვას თან ახლავს უამრავი ისეთი  პრობლემა როგორიცაა: წყლის უხილავი დენა, დაზიანების წერტილის დაუდგენლობა, შეკეთებისათვის კედლისა და იატაკის ამოტეხვის საჭიროება და ა.შ

 

მსგავსი პრობლემების თავიდან ასაცილებლად გაითვალისწინეთ ჩვენი რჩევები:

არ გამოიყენოთ ე.წ. "ცივი წყლის" მილები

ტემპერატურის ზემოქმედებისადმი მდგრადი მილების გამოყენებით თქვენ პრაქტიკულად ნულამდე დაიყვანთ გადაბმებში წყლის გაჟონვის პრობლემას და ცხელი წყლის ზემოქმედებით მილის დაზიანების შანსს.

არ დაზოგოთ თანხები პირველადი სამუშაოების დროს

საწყის ეტაპზე დახარჯავთ ცოტა მეტ თანხას მაგრამ ექსპლუატაციის მთელი პერიოდის მანძილზე თავიდან აიცილებთ მრავალ პრობლემას.

გამოიყენეთ ცალკეული ჩამკეტები

სამზარეულოს წყალგაყვანილობა აუცილებლად აღჭურვეთ ცენტრალური ჩამკეტით, რათა რაიმე სახის სამუშაოების ჩატარების საჭიროების შემთხვევაში ქსელიდან მხოლოდ სამზარეულოს გათიშვა შეგეძლოთ.

არ გამოიყენოთ ბურთულიანი ჩამკეტი

სასურველია არ გამოიყენოთ ბურთულიანი ჩამკეტი, რადგან ამ შემთხვევაში, დგუშიან ჩამკეტთან შედარებით წყლის გატარების შანსი უფრო დიდია.

სპეციალური ონკანები

დრეკად მილებთან შეერთების ადგილზე დააყენეთ სპეციალური ონკანები. დრეკადი მილის დაზიანების შემთხვევაში შეძლებთ ქსელიდან გამორთოთ კონკრეტული წერტილი, სხვა წერტილები კი მუშა მდგომარეობაში დაგრჩებათ.