სამშენებლო უსაფრთხოება - პირადი აღჭურვილობა
სამშენებლო ინდუსტრია ეს ის სფეროა, სადაც სიმაღლეზე, მძიმე აღჭურვილობასთან და პოტენციურად საშიშ მასალებთან, ყოველდღიურად ათასობით ადამიანი მუშაობს. სტატისტიკა გვიჩვენებს, რომ უსაფრთხოების წესების დარღვევა უმთავრესი მიზეზია სამუშაო ადგილებზე მომხდარი უბედური შემთხვევებისა. შესაბამისად, უსაფრთხოების ნორმების დაცვა არა მხოლოდ მოთხოვნაა, არამედ თითოეული თანამშრომლის სიცოცხლისა და ჯანმრთელობის გარანტია.
მშენებლობაზე მუშაობისას პირველ რიგში მნიშვნელოვანია ის დამცავი აღჭურვილობა, რომელიც თითოეულ თანამშრომელს უსაფრთხოებას უზრუნველყოფს, კერძოდ:
დამცავი ჩაფხუტი - თავის დაცვა ცვენადი საგნებისგან, რომლებიც შეიძლება მოულოდნელად ჩამოვარდეს სიმაღლიდან.
უსაფრთხოების სათვალე - თვალების დაცვა მტვრისა და ნამსხვრევებისგან, განსაკუთრებით მნიშვნელოვანია საბურღი სამუშაოების, ჭრისა და სახეხი სამუშაოების შესრულებისას.
დამცავი ხელთათმანები - ხელების დაცვა ჭრილობებისა და დამწვრობებისგან. სხვადასხვა სამუშაო მოითხოვს განსხვავებული ტიპის ხელთათმანებს: მექანიკური დაზიანებებისგან დამცავი, ქიმიურად გამძლე ან თერმომდგრადი და სხვა.
სპეცფეხსაცმელი - ფეხების დაცვა მძიმე საგნების დაცემისგან. ასევე არის წყალგაუმტარი და იცავს სრიალისგან. დამატებით უზრუნველყოფს უსაფრთხოებას ლურსმნებისგან და სხვა ბასრი საგნებისგან, რომლებიც სამშენებლო გარემოში ხშირია.
რესპირატორი ან პირბადე - საჭიროა მტვრიან გარემოში მუშაობისას, ქიმიური ნივთიერებების გამოყენებისას ან საღებავების შესხურებისას.
ხმის დამხშობი - გამოიყენება ხმაურიან გარემოში და მძიმე ტექნიკასთან მუშაობისას, სმენის დასაცავად.
უსაფრთხოების ღვედი - სიმაღლეზე მუშაობისთვის სავალდებულო აღჭურვილობა, რომელიც თავიდან აიცილებს დაცემის შედეგად მიღებულ ტრავმებს.
გაინტერესებს კიდევ რა გჭირდება სამშენებლო ობიექტზე სრული უსაფრთხოებისთვის? დაელოდე ჩვენს შემდეგ ბლოგს.