რა უნდა გაითვალისწინო ფასადის თერმოიზოლირებისას?

ფასადის თბოიზოლაცია გადამწყვეტ როლს ასრულებს ენერგოეფექტური შენობებისა და მყუდრო საცხოვრებელი გარემოს შესაქმნელად. 

სწორად მოწყობილი თბოსაიზოლაციო სისტემა ამცირებს კომუნალურ ხარჯებს, რადგან იწვევს შენობების გათბობა გაგრილებისთვის ენერგო დანახარჯის შემცირებას.თბოსაიზოლაციო სამუშაოებისთვის იდიალური სეზონია შემოდგომა, ამიტომ თუ შენც გეგმავ სახლის დათბუნებას, ძალიან მნიშვნელოვანი რჩევები მაქვს შენთვის 

თბოიზოლაციის დაგეგმვისას აუცილებელია ყველა საფეხური თანმიმდევრულად და ხარისხიანად შესრულდეს, რათა შემდგომში არ გამოიწვიოს ფასადის ჩამოშლა ან ბზარების წარმოქმნა.

პირველი ეტაპი:

ფასადის ზედაპირი უნდა გასუფთავდეს არამყარი ნაწილებისგან და შემდგომ დაიგრუნტოს რადგან ზედაპირს ქონდეს კარგი მოჭიდების უნარი. ასევე შენობის პერიმეტრი უნდა შემოიფარგლოს საყრდენი პროფილებით

მეორე ეტაპი:

ზედაპირის მომზადების შემდგომ აუცილებლია გამოვიყენოთ წებო-ცემენტი, რომელიც განკუთვნილია თბო-საიზოლაციო ფილის მისაკრავად და გააჩნია მაღალი ადჰეზიის უნარი. ყოველივე ეს განაპირობებს ფასადის სიმყარესა და ექსპლუატაციის ხანგრძლივ ვადას.

მოსამზადებელი სამუშაოების შემდგომ ხდება თბო-საიზოლაციო ფილის სასურველ ზომებზე დაჭრა და  წებო-ცემენტის დატანა ზედაპირზე.

გაითვალისწინეთ

• თბოსაიზოლაციო ფილების მიწებება უნდა დაიწყოს შენობის კუთხეებიდან და ღიობებიდან.
• უნდა მოხდეს თბოსაიზოლაციო ფილების გადაკეტვა შენობის შიდა და გარე კუთხეებში.
• საფასადე დუბელების მონტაჟი უნდა მოხდეს არანაკლებ 24 საათის შედეგ.

იმისათვის, რომ ფასადს გავუზარდოთ დარტყმისადმი მდგრადობა და შევამციროთ ბზარების წარმოქმნის რისკი, საჭიროა  ფასადის არმირება ტუტემედეგი მინაბოჭკოვანი ბადით, რომელიც სრულად უნდა დაიფაროს წებო-ცემენტის მასით.

წებო-ცემენტის გაშრობის შემდეგ უსწორმასწორო ზედაპირი უნდა გასწორდეს საშუალო ხაოიანი ზუმფარით, დავიტანოთ გრუნტი და გაშრობის შემდეგ ფასადი მოვაპირკეთოთ დამცავი დეკორატიული ფითხით.

დეკორატიული ნალესის გაშრობის შემდეგ კი შეგვიძლია გადავიდეთ ღებვით პროცესებზე.

ახლა უკვე იცი რა მნიშვნელოვანი ნაბიჯები უნდა გაიარო ბინის თბოიზოლაციისთვის, ამიტომ მოასწარი ზამთარს, დაათბუნე სახლი.