როგორ შევღებოთ ფილები სამზარეულოსა და აბაზანაში - DIY რჩევები
გიფიქრიათ სამზარეულოსა და აბაზანის ფილების შეღებვაზე?
თუ აბაზანაში ან სამზარეულოში ძველი ფილები გაქვს და მის შეცვლას ფიქრობ, არ იჩქარო. ფილების განსაახლებლად ჩვენ უმარტივეს გზას გთავაზობთ.
ფილების შეღებვა საკმაოდ ორიგინალური და მარტივი გამოსავალია, ეს მეთოდი ახალ სიცოცხლეს შესძენს თქვენს სამზარეულოსა თუ აბაზანას. ფილებისთვის შეგიძლიათ გამოიყენოთ თქვენთვის სასურველი ნებისმიერი ფერი ან გააფორმოთ ორნამენტებით.
თუ უკვე დაფიქრდით ფილების შეღებვაზე, მაშინ ეს რჩევები აუცილებლად დაგეხმარებათ:
ნაბიჯი 1: ფილების გასუფთავება
სანამ უშუალოდ ფილების შეღებვაზე გადახვალთ, პირველ რიგში, აუცილებელია მოსამზადებელი სამუშაოები.
პირველი ნაბიჯი ზედაპირის საფუძვლიანად გასუფთავებაა. ფილები ძირითადად გვხვდება სამზარეულოსა და აბაზანაში, სადაც ჭუჭყი, ცხიმი ან საპნის ლაქები შეიძლება ჰქონდეს. ამიტომ აუცილებელია ფილების ღრუბლით კარგად გაწმენდა. თუ სამზარეულოში გეგმავთ შეღებვას შეგიძლიათ ცხიმის გამწმენდიც გამოიყენოთ, სხვა შემთხვევაში კი პირველადი დამუშავება შეგიძლიათ წყლით მოახდინოთ.
ნაბიჯი 2: პრაიმერის წასმა
როგორც წესი უშუალოდ ზედაპირის შეღებვაზე გადასვლამდე რეკომენდირებულია პრაიმერის გამოყენება. პრაიმერი გამოიყენება საღებავის ძირითადი ფენის მდგრადობის შესანარჩუნებლად. ის ქმნის უკეთეს გარემოს მაღალი ადჰეზიის შექმნისათვის. შესაბამისად პრაიმერის გამოყენებით საღებავის ექსპლუატაციის ვადაც იზრდება.
თუმცა ფილების შეღებვისას შეგიძლიათ პრაიმერის გამოყენების საფეხური გამოტოვოთ თუ ისეთი ტიპის საღებავს აარჩევთ, როგორიცაა Chromodomi TILE PAINT. აღნიშნული საღებავი შექმნილია სპეციალურად აბაზანასა და სამზარეულოში გამოსაყენებლად და არ საჭიროებს დამატებით პრაიმერის წასმას. Tile Paint ხასიათდება ძლიერი მოჭიდებით, ნაკაწრებისა და სარეცხი საშუალებების მიმართ მედეგობით.
ნაბიჯი 3: შეღებვა - Chromodomi TILE PAINT
პირველ რიგში აუცილებელია საღებავის ნიტრო გამხსნელში გახსნა.Tile Paint-ის საღებავისთვის გამოიყენეთ 10%-მდე ნიტრო გამხსნელი (Nitro Thinner).
გახსნის შემდგომ კარგად მოურიეთ და დაიწყეთ შეღებვა. საღებავის დასატანად შეგიძლიათ გამოიყენოთ ლილვაკი ან ფუნჯი. პირველი ფენის წასმის შემდგომ დაელოდეთ გაშრობას და აუცილებლად გადაუსვით მეორე ფენაც.
გაითვალისწინეთ, რომ 1 ლიტრის ხარჯი თითო ფენაზე: 12-14 კვ/მ-ია.
ასევე გაითვალისწინეთ* Tile paint არ გამოიყენოთ 6 °C-ზე დაბალი და 40 °C-ზე მაღალი ტემპერატურის, ასევე 80%-ზე მეტი ფარდობითი ტენიანობის დროს. გამოყენებისათვის არახელსაყრელმა პირობებმა შესაძლოა შეცვალოს პროდუქტის ხარისხობრივი თვისებები.
მნიშვნელოვანი ინფორმაცია:
მნიშვნელოვანია ის ფაქტიც რომ ქრომოდომის არცერთი საღებავი არ შეიცავს ტყვიასა და სხვა მავნე ნივთიერებებს, რაც მას 100%-ით უსაფრთხო პროდუქტად აქცევს. ამიტომ შეგიძლიათ ის გამოიყენოთ იმ შემთხვევაშიც თუ სახლში ბავშვები გყავთ.
ახლა უკვე იცით, როგორ შეგიძლია ინტერიერის განახლება, ნაკლები დანახარჯებითა და რემონტის თავიდან დაწყების გარეშე. ფილების საკუთარი ხელით შეღებვა საკმაოდ სასიამოვნო და მარტივი პროცესია, ამიტომ გირჩევთ თუ სიახლეს ეძებ სწორედ აქედან დაიწყოთ.
გაგვიზიარეთ საკუთარი შემოქმება…