როგორ შევარჩიოთ სწორი ზომის კონდიციონერი: რატომ არის BTU მნიშვნელოვანი

როდესაც საქმე ეხება თქვენი სახლის ან ოფისის სიგრილეს და კომფორტს, აუცილებელია სწორი ზომის კონდიციონერის არჩევა. ტემპერატურის შენარჩუნებაზე ბევრი ფაქტორი მოქმედებს, მაგრამ მათ შორის ყველაზე მნიშვნელოვანი BTU მაჩვენებელია. 

BTU არის გაგრილების სიმძლავრის საზომი. მისი სწორად შერჩევა განაპირობებს 

განსხვავებას იდეალურად გაცივებულ სივრცესა და არაეფექტურ, არასასიამოვნო გარემოს შორის. დღევანდელ ბლოგში გაგაცნობთ თუ რატომ არის BTU მნიშვნელოვანი კონდიციონერის არჩევისას და როგორ უნდა გათვალოთ სწორი სიმძლავრე თქვენს სივრცესთან მიმართებაში.

რა არის BTU:

BTU არის საზომი ერთეული, რომელიც გამოიყენება სითბური ენერგიის რაოდენობის დასადგენად, რომელიც კონდიციონერმა შეიძლება საათში გამოიმუშაოს. მარტივად რომ ვთქვათ, BTU არის კონდიციონერის გაგრილების შესაძლებლობა. რაც უფრო მაღალია BTU მაჩვენებელი, მით უფრო ძლიერია კონდიციონერი. თუმცა, ეს არ ნიშნავს იმას, რომ დიდი ყოველთვის უკეთესია. სივრცესთან შეუსაბამოდ მძლავრმა კონდიციონერმა შესაძლოა გამოიწვიოს ხარჯების გაზრდა, რაც არ იქნება სწორი გადაწყვეტა. უმჯობესია თქვენს სივრცეზე გათვლილი კონდიციონერი იყიდოთ, ამისათვის კი რამდენიმე ფაქტორი უნდა გაითვალისწინოთ.

ფაქტორები, რომლებიც გავლენას ახდენენ BTU-ზე:

1. ოთახის ზომა: სივრცის ეფექტურად გასაგრილებლად უფრო დიდ ოთახებს სჭირდებათ კონდიციონერები უფრო მაღალი BTU მახასიათებელი. როგორც წესი 9000 BTU-ს სიმძლავრის კონდიციონერები გამოიყენება 20-25 კვ.მ სივრცისთვის, 18 000 BTU 50-65 კვ.მ. ფართის გაგრილებაზეა გათვლილი, ხოლო 24 000 BTU 70-80 კვ.მ-ზე.
2. თბოიზოლაცია და კონსტრუქცია: კარგად იზოლირებულ ოთახებს ან შენობებს შეიძლება დასჭირდეს ნაკლები BTU, რადგან ისინი უკეთ ინარჩუნებენ გრილ ჰაერს.
3. კლიმატი და მზის ზემოქმედება: უფრო ცხელ კლიმატს და მზიან ოთახებს შესაძლოა დასჭირდეს კონდიციონერები მაღალი BTU მაჩვენებლით, რადგან მზის ზემოქმედების გამო რთული იქნება ტემპერატურის შენარჩუნება.

არასწორი BTU ზომის შედეგები:

არასწორი BTU-ს მქონე კონდიციონერის არჩევას შეიძლება ჰქონდეს უარყოფითი შედეგი. დაბალი სიმძლავრის კონდიციონერს შერჩევამ შეიძლება გაგიზარდოთ ელექტროენერგიის მოხმარება და ხარჯები, ხოლო სივრცე მაინც არათანაბრად გაგრილებული დარჩეს.

იმისათვის, რომ აირჩიოთ სწორი ზომის კონდიციონერი თქვენი საჭიროებისთვის გაითვალისწინეთ თქვენი ფართის ზომა, ჭერის სიმაღლე, ფანჯრების განლაგება და სახლის თბოიზოლაცია. 

ზემოთ მოცემული რჩევები დაგეხმარება გადაწყვეტილების მიღებაში, თუმცა თუ მაინც ფიქრობ რომელი კონდენციონერი იქნება იდიალური შენი სახლისთვის, ესტუმრე ციტადელის შორუმებს, მიიღე რჩევა პროფესიონალებისგან და ისარგებლე ფასდაკლებით.