გავრცელებულ ინფორმაციაში ვკითხულობთ, რომ არ არსებობს ტყვიის უსაფრთხო დოზა, შესაბამისად, მნიშვნელოვანია, როგორც ბავშვი, ისე მოზრდილი, სრულად იყოს მისგან დაცული.
სანამ ტყვიის შემცველი საღებავების ბაზარზე არსებობის პრობლემაზე ვისაუბრებდეთ, გავეცნოთ, რა პრობლემებს იწვევს აღნიშნული ნივთიერება ბავშვებში, ესენია: ყურადღების კონცენტრაციის დარღვევა, ინტელექტის შეფასების ტესტებში დაბალი დონე, ჰიპერაქტიურობა, სირთულეები კითხვისას, კოორდინაციის გაძნელება, ქცევითი დარღვევები; დაბალი მოსწრება, ზრდისა და განვითარების შეფერხებები.
ტყვიით მოწამვლას თან ახლავს კლინიკური სიმპტომები, რომელთა ცოდნაც მკურნალობის დროულად დასაწყებად აუცილებელია. ტყვია დროთა განმავლობაში აზიანებს ნერვულ სისტემას, მისი ორგანიზმიდან დროულად გამოდევნა კი ბავშვს ზემოთ ჩამოთვლილი მძიმე შედეგებისგან იცავს. მოწამვლის სიმპტომებია: ტკივილი მუცლის არეში, ანემია, ყაბზობა, თავის ტკივილი და მადის დაქვეითება. NCDC გვაფრთხილებს, რომ ტყვიით მოწამვლა განსაკუთრებით სახიფათოა ექვს წლამდე ასაკის ბავშვებისათვის, რადგან მათი ცენტრალური ნერვული სისტემა ჯერ კიდევ ჩამოყალიბების პროცესშია.
არსებობს საერთაშორისო რეკომენდაციები, როგორ დავიცვათ თავი ტყვიისგან, რომელიც საშიშია როგორც ბავშვებისთვის, ისე ორსულებისთვის. რეკომენდაციები მოიცავს ჰიგიენის ნორმების დაცვას, გამონაბოლქვით დაბინძურებულ ქუჩებში სეირნობისგან თავის შეკავებას, რკინით, კალციუმითა და ცილით მდიდარი საკვების მიღებას და თავის შეკავებას ისეთი საყოფაცხოვრებო საღებავების გამოყენებისგან, რომლებიც ტყვიას შეიცავს. დაავადებათა კონტროლის ეროვნულ ცენტრს რეკომენდაციებში პირდაპირ აქვს მითითებული, რომ გარდა აღნიშნული საღებავებისგან თავის არიდებისა, უნდა ჩავებათ აღნიშნული ნივთიერებით დაბინძურებული საღებავების გაყიდვის აკრძალვის კამპანიაშიც.
მიუხედავად ამისა, ბაზარზე საფრთხისშემცველი საღებავები მაინც ხვდება. თუმცა, ამავე დროს, ზოგიერთმა მწარმოებელმა გადაწყვიტა, ეკოლოგიურად სუფთა და ტყვიისგან 100%-ით თავისუფალი საღებავები შეეთავაზებინა მომხმარებლისთვის და ამ ნიშნით გამხდარიყო სანდო. მათ შორის არის „ქრომოდომიც“, რომელსაც საქართველოში ტყვიის საფრთხის შესახებ ინფორმირებული ადამიანები აქტიურად მოიხმარენ.
როგორც სამშენებლო და სარემონტო მასალების კომპანია ციტადელში განმარტავენ, მომხმარებლები, რომლებიც მათ შოურუმს საღებავების შესაძენად სტუმრობენ, „ქრომოდომს“ სწორედ უსაფრთხოების გამო ირჩევენ, განსაკუთრებით მაშინ, როცა საქმე ბავშვის საცხოვრებელ გარემოს ეხება.
მნიშვნელოვანია უსაფრთხო საღებავების გამოყენება სკოლამდელი აღზრდის დაწესებულებებსა და სკოლებშიც, სადაც ბავშვები უმეტეს დროს ატარებენ.
როგორც ციტადელში განმარტავენ, იმისათვის, რომ ბავშვები ტყვიისგან სრულად იყვნენ დაცულები, მნიშვნელოვანია შენობის ექსტერიერშიც ეკოლოგიურად სუფთა საღებავები გამოვიყენოთ, რაც „ქრომოდომის“ ასორტიმენტში ასევე გათვალისწინებულია. ამასთან, არ უნდა დაგვავიწყდეს თერმოსაიზოლაციო საღებავების უსაფრთხოების შემოწმებაც.
„ქრომოდომის“ ლაქ-საღებავები დამზადებულია საბერძნეთში, მინიჭებული აქვს CE სერტიფიკატი და განკუთვნილია ევროკავშირის ბაზრისთვის.
სამწუხაროდ, დღეს ბაზარზე მოხვედრილი საღებავების დიდ ნაწილს არ აქვს ეტიკეტზე მითითებული, რომ არ შეიცავს ტყვიას ან მასში ტყვიის შემცველობაა, რის გამოც მომხმარებელი შედის შეცდომაში და შეიძლება დიდი ხარჯი გასწიოს, შეიძინოს უხარისხო საღებავი და საკუთარი და ოჯახის წევრების ჯანმრთელობა საფრთხეში ჩააგდოს. პირველი, რასაც ჩვენს შოურუმში მოსულ მომხმარებლებს ვურჩევთ არის ის, რომ პრიორიტეტად დაისახონ უსაფრთხო სამშენებლო და სარემონტო მასალების შეძენა, რაშიც ჩვენი კომპეტენტური კონსულტანტები სანდო რეკომენდაციებს უწევენ,“ - განმარტეს ციტადელში.
რაც უფრო მეტ ჩვენგანს ექნება ინფორმაცია ბაზარზე ბავშვის ჯანმრთელობისთვის საფრთხისშემცველი საღებავების არსებობის შესახებ, უფრო ნაკლები მოთხოვნა იქნება მასზე და ტყვიით მოწამვლის მაჩვენებელიც შემცირდება.