გააკეთე არჩევანი - ფანერა vs osb

დღევანდელ სტატიაში ყურადღებას გავამახვილებთ ორ ყველაზე მოთხოვნად მასალაზე: OSB და ფანერა. ორივე პროდუქციის გამოყენება შესაძლებელია კედლებისთვის, იატაკისთვისა და თუნდაც სახურავისთვის. თუმცა იბადება ლოგიკური კითხვა - რომელია უკეთესი?

რა არის OSB და ფანერა

OSB არის ხის ბურბუშელის და შემკვრელი ნივთიერების (წებოს) ნარევის მაღალი ტემპერატურის ქვეშ დაწნეხვით მიღებული მასალა, რომელსაც ფილების სახე აქვს.

მის წარმოებაში ძირითადად გამოიყენება წიწვოვანი მასალის ბურბუშელა, რაც მის დაბალ თვითღირებულებას განსაზღვრავს. ფანერისაგან განსხვავებით OSB ძირითადად მზადდება ე.წ დიდი ფორმატით, (1224x244 და 125x250) რაც ნაკლებად კომფორტულს ხდის მის მოხმარებას კონსტრუქციებში.

osb-სა და წიწვოვანი მასალით ან სხვა ფოთლოვანი ჯიშის მერქანისგან (გარდა არყის ხისა) დამზადებული ფანერების კუთრი წონა პრაქტიკულად ერთნაირია. არყის ხის ანათალით დამზადებული ფანერა გაცილებით მძიმეა ვიდრე OSB. ამავე დროს გასათვალისწინებელია, რომ ფანერის მდგრადობა მექანიკური დატვირთებისადმი ბევრად უფრო მაღალია OSB-სთან შედარებით.

გარდა ამისა ფანერა საკმაოდ კომფორტულია ხელნაკეთი ნივთების დასამზადებლად, როგორიცაა - ბლოკნოტი, საათი, სანათი, თარო და სხვა აქსესუარები. ბუნებრივი ტექსტურა და სასიამოვნო ზედაპირი კი მას განსაკუთრებით პოპულარულს ხდის ბავშვის სათამაშოების მწარმოებლებისთვის.

ამასთან OSB-სგან განსხვავებით ფანერა ტენიანობის მხრივ საკმაოდ ამტანი პროდუქტია. ის გამოირჩევა თანაბრად შეშუპებითა და სწრაფი გაშრობით, რაც ბურბუშელოვან ფილას არ ახასიათებს. 

დასკვნა - რომელი ჯობია OSB თუ ფანერა?

რაც შეეხება იმას, რომელია საბოლოო ჯამში უკეთესი, OSB თუ ფანერა. ცალსახად პასუხი დამოკიდებულია თქვენს პროექტზე და პირად პრეფერენციებზე. ორივე მასალას აქვს დადებითი და უარყოფითი მხარეები, რომლებიც აუცილებლად უნდა გაითვალისწინოთ კონკრეტული პროექტის დაგეგმვის დროს. ზოგადად ნებისმიერი ტიპის პროექტისთვის მასალის შერჩევისას უნდა გაითვალისწინოთ მრავალი ფაქტორი - მშენებლობის ადგილზე არსებული ნალექიანობა, ტენიანობა, კონკრეტული სამუშაო პერიოდი, პროექტის ბიუჯეტი და სხვა მრავალი. 

საბოლოო არჩევანი თქვენზეა, თუმცა გახსოვდეს თუ ფანერის ან OSB-ს შეძენას გადაწყვეთ ციტადელში საშენო ფასები დაგხვდება.