მოასწარი ზამთარს, გადახურე სახლი
![მოასწარი ზამთარს, გადახურე სახლი](https://citadeli.com/upload/blogs/Hghea3wa5rgtSBY0.png)
გადახურვა სახლის ყველაზე მნიშვნელოვანი და რთულად შესარჩევი ეტაპია. საშემოდგომოდ კი გადახურვის საკითხები კიდევ უფრო აქტიურდება, რადგან გვიანი შემოდგომის წვიმების დაწყებამდე და მკაცრი ზამთრის სიცივეებამდე ყველამ უნდა მოასწროს სახურვის შემოწმება, შეკეთება ან გადახურვა. დღესდღეობით გადახურვის მრავალი სახეობა არსებობს და სანამ გადაწყვეტ რა ტიპის მასალით გადახურო შენი სახლი, აუცილებელად გაეცანი ჩვენს ბლოგს და მიიღე დამატებითი ინფორმაცია ყველაზე გავრცელებულ მეთოდებთან დაკავშირებით.
თუნუქის სახურავი
წლების განმავლობაში კრამიტი საქართველოში ყველაზე გავრცელებული გადახურვის სისტემა იყო. კრამიტის ფორმის სახურავების თანამედროვე ვერსიას მეტალოკრამიტს უწოდებენ, რომელიც ვიზუალურად წინამორბედის მსგავსია, თუმცა, განსხვავებულია მასალა და მისი დამზადების წესი.
დღესდღეობით მეტალოკრამიტის სახურავებისთვის სპეციალური ტექნოლოგიით დამუშავებულ მოთუთიებულ თუნუქის ფურცლებს იყენებენ, რაც მათ განსაკუთრებულ გამძლეობას სძენს.
თუნუქის სახურავები გამოირჩევა ფერების მრავალფეროვნებითა და გამძლეობით, რაც მას ერთ-ერთ ყველაზე პოპულარულ მასალად აქცევს.
შინგლი
შინგლი - ბოჭკოვანი მინისგან დამზადებული მასალაა, რომელსაც ასფალტისა და მინერალური გრანულების შენაერთები აქვს. დღესდღეობით შინგლი ერთ-ერთი ყველაზე ფართოდ გავრცელებული მასალაა. გარდა შემადგენლობისა და შინგლი ვიზუალური ასპექტითაც გამოირჩევა, მრავალფეროვანი არჩევანი და ფერები საშუალებას მოგცემთ ნებისმიერ ექსტერიერს მარტივად მოარგოთ.
შინგლი საკმაოდ დიდი ფერთა პალიტრით გამოირჩევა, თქვენ შეგიძლიათ აარჩიოთ - ნაცრისფერი, წითელი, ყავისფერი, მწვანე თუ სხვა ფერი.
შინგლის მასალას როგორც წესი 20-30 წლიანი გარანტია აქვს და დაზიანებული ადგილების შეცვლა საკმაოდ მარტივია, ეს ორი ფაქტორი კიდევ უფრო სასურველ მასალად აქცევს შინგლს და სწორედ ამითაა გამოწვეული მისი ფართოდ გავცრცელება.
ჰიდროიზოლაცია
სახურავის იზოლაცია, მას ხდის უფრო მდგრადს სიცხის, სიცივის და მექანიკური დაზიანებების მიმართ. მისი დამცავი თვისებებიდან გამომდინარე სახურავის ჰიდროიზოლაციის შედეგად სახურავს რემონტი არ სჭირდება საკმაოდ დიდი ხნის განმავლობაში, რადგან ზოგიერთი მასალის ექსპლუატაციის ვადა რამდენიმე ათწლეულსაც კი შეადგენს.
თანამედროვე ტექნოლოგიების დამსახურებით სახურავის იზოლაცია გაცილებით იაფი, სწრაფი და ეფექტური საშუალებაა. სახურავის გადახურვის სხვა მეთოდებისგან განსხვავებით სახურავის ჰიდროიზოლაციას სჭირდება 60-70%-ით ნაკლები დრო დასაგებად.
ციტადელი გადახურვის სისტემების მიმართულებით მომხმარებელს მრავალფეროვან არჩევანს სთავაზობს. ჩვენთან შეგიძლიათ შეარჩიოთ, როგორც თუნუქის სახურავები, ასევე შინგლი და ჰიდროსაიზოლაციო მემბრანების ფართო ასორტიმენტი.
მოასწარი ზამთარს, გადახურე სახლი ციტადელში #საშენოფასად.