რა არის ორგანიზაციისადმი ერთგულება?

ორგანიზაციისადმი ერთგულება არის ინდივიდის კომპანიისადმი ფსიქოლოგიური მიჯაჭვულობა, რომელიც მოიცავს შრომაში ჩართულობის, ლოიალობისა და კომპანიის ღირებულებებში რწმენის გრძნობებს. თანამედროვე კვლევებით დადგინდა ორგანიზაციული ერთგულების რამდენიმე მნიშვნელოვანი წინაპირობა:

• დასაქმების პროცედურები - ხშირად თანამშრომელთა მიკუთვნებულობის გრძნობები განვითარებას იწყებენ ბევრად უფრო ადრე, ვიდრე ისინი უერთდებიან ორგანიზაციას. თავდაპირველი კონტაქტი ორგანიზაციასა და მომავალ თანამშრომელს შორის ძალიან მნიშვნელოვანია.

 

• მოლოდინები - თანამშრომლები უფრო მეტად ერთგულები არიან, როცა არსებობს შესაბამისობა ადამიანის მოლოდინებსა და სამუშაოს შეთავაზებებს შორის.

 

• თანამდებობაზე დანიშვნა და ტრენინგი - დანიშვნის პროცესში ძალიან მნიშვნელოვანია ტრენინგი. აღმოჩნდა, რომ ერთგულება დაკავშირებულია თანამშრომლების აღქმებთან ორგანიზაციის მცდელობის შესახებ, რომ უზრუნველყოს მათი განვითარება.

 

• ურთიერთობები მენეჯერებთან - თანამშრომლები, რომლებსაც აქვთ კარგი ურთიერთობა მათ უშუალო მენეჯერებთან, ხასიათდებიან ერთგულების უფრო მაღალი ხარისხით.

 

• ურთიერთობები კოლეგებთან და ჯგუფის წევრობა - მნიშვნელოვანია კომპანიაში არსებობდეს კოლექტიური მიკუთვნებულობის გრძნობა. სწორედ ამიტომ, ორგანიზაციებს, რომლებსაც ერთგულების მაღალი დონე სურთ, უნდა სცადონ იმ გზების მოძებნა, რომლებიც ჩამოაყალიბებენ ერთგულებას გუნდური მუშაობის მეშვეობით როგორც სამსახურში, ასევე სამუშაოს გარეთ.

 

• ორგანიზაციული სამართალი და ნდობა - დასაქმებულების ერთგულება ორგანიზაციისადმი ნაწილობრივ მათი აღქმის მიხედვით ყალიბდება, თუ რამდენად სამართლიანად ეპყრობა მათ კომპანია და მნიშვნელოვანია თუ არა დამსაქმებლებისათვის თანამშრომლების კეთილდღეობა.

 

• დაწინაურება - ერთგულებაზე გავლენას ასევე, დაწინაურებაზე პასუხისმგებელი პოლიტიკა და პრაქტიკა ახდენს.

 

• სამსახურსა და პირად ცხოვრებას შორის ბალანსი - დასაქმებულებს უნდა ჰქონდეთ განცდა რომ შეუძლიათ მიაღწიონ ბალანსს სამსახურსა და პირად ცხოვრებას შორის. მნიშვნელოვანია შეიქმნას ისეთი პროგრამები, რომელიც ხელს შეუწყობს თანამშრომლებს დატვირთვის შემსუბუქებაში, მაგალითად, მოქნილი გრაფიკი, დასვენების დრო ან სხვა.

 

• ანაზღაურება და დაჯილდოება - ანაზღაურება ორგანიზაციაში დარჩენას ღირებულს ხდის. მომსახურების მატერიალური მოთხოვნილებების დაკმაყოფილება კი ერთგულების მიღწევის ერთ–ერთი გზაა.

 

  ციტადელი გირჩევთ, გაითვალისწინოთ ორგანიზაციის ერთგულების განმსაზღვრელი წინაპირობები, რათა შეძლოთ ჩამოაყალიბოთ ძლიერი, ერთგული, კმაყოფილი და  ბედნიერი გუნდი, რომელიც დაგეხმარებათ ორგანიზაციის მუდმივ ზრდაში.