რა უნდა გავითვალისწინოთ ლამინირებული იატაკის საფარის შერჩევის დროს

დღეს მინდა გესაუბროთ ერთ-ერთი ყველაზე პოპულარულ იატაკის საფარზე - ლამინირებული იატაკის ფილებზე.

ციტადელის შოურუმებში წარმოდგენილი ლამინატის მრავალფეროვანი არჩევანი შესაბამისად საშუალებას გვაძლევს დავაკმაყოფილოთ სხვადასხვა გემოვნების და კატეგორიის მომხმარებელი;

გაგაცნობთ იმ აუცილებელ მახასიათებლებს რომელთა საშუალებითაც ლამინირებული იატაკის სწორად შერჩევას შეძლებთ.

დავიწყოთ ლამინატის ზოგადი მიმოხილვით:

მასალა შედგება 4 ფენისგან:

1. ლამინირებული (დამცავი) ფენა-მელამინის ან აკრილის ფისის ფენა( ფოლიო), თვითონ ფოლიოს სისქე ( 20,35-100 მკ) განსაზღვრავს შემდგომ პროდუქციის ცვეთამედეგობას;
2. დეკორატიული ფენა (დიზაინი); დაბეჭდილი ქაღალდი ხის ან სხვა ნებისმიერი მასალის იმიტაციით;
3. ნატურალური ხის ბოჭკოები HDF- (მაღალი სიმკვრივის ბოჭკოვანი  ფილა ) ან MDF – (საშუალო სიმკვრივის ბოჭკოვანი ფილა );
4. ლამინატის ქვედა PVC შრე (ძირი), რომელიც იცავს ტენიანობისაგან

ახლა კი ვისაუბროთ ლამინატის განმასხვავებელ ნიშნებზე, როგორიც არის კლასი და სისქე.

არსებობს 7, 8, 10, და 12მმ სისქის ლამინირებული იატაკი. თუ ზედაპირი არის იდეალურად სწორი და არ არის ტენიანი ადგილი შესაძლებელია ნებისმიერი სისქის ლამინირებული იატაკის დაგება, რაც შეეხება უსწორმასწორო ზედაპირის ამ შემთხვევაში რეკომენდებულია 10,11 და 12მმ სისქის  ლამინირებული იატაკის დაგება.

უსწორმასწორო ზედაპირზე ლამინირებული იატაკის დაგება იწვევს მისი ჩამკეტების მტვრევას, შესაბამისად უსწორმასწორო ზედაპირზე მისი დაგება რეკომენდირებული არ არის.

ლამინატს ასევე განასხვავებენ კლასის მიხედვით - ლამინირებული იატაკის კლასიფიკაცია ხორციელდება მისი ზედაპირის ცვეთამედეგობის მიხედვით, რაც უფრო ცვეთამედეგია ზედაპირი, მით უფრო მაღალია ლამინირებული იატაკის კლასი. არსებობს 31, 32, 33 კლასის ლამინატი.

• რის მიხედვით ხდება ლამინატის კლასების შერჩევა?

კლასის შერჩევა ხდება ოთახში იატაკზე დატვირთვის ინტენსივობის მიხედვით. მაგალითად:

31 კლასი - რეკომენდებულია არაინტენსიური დატვირთვის ოთახებში - საძინებელსა ან კაბინეტში;

32 კლასის ლამინატი - იდეალურია, როგორც საცხოვრებელ ფართში ინტენსიურ და არაინტესიური დატვირთვის ოთახებში, ასევე საშუალო დატვირთვის კომერციულ ფართებშიც;

33 კლასი - რეკომენდებულია საცხოვრებელ სახლებსა და კომერციულ ფართებში ინტენსიური დატვირთვის პირობებში.