ბუნებრივი კომპონენტი - მწვანე გადახურვა არქიტექტურაში

ქართულ არქიტექტურაში, უკანასკნელი წლების განმავლობაში, ბუნებრივმა კომპონენტმა - მწვანე გადახურვამ აქტუალობა შეიძინა.

რას ნიშნავს მწვანე გადახურვა და რა სარგებლის მიღება შეგვიძლია, ვიზუალური გაუმჯობესების გარდა?

გამწვანების ინტეგრირება არქიტექტურაში 21-ე საუკუნის აქტუალურ ტენდენციად იქცა. არქიტექტორების მოვალეობაა, შექმნან გარემო, რომელიც არა მხოლოდ საზოგადოების მოთხოვნილებების დაკმაყოფილებაზე იქნება ორიენტირებული, არამედ შეინარჩუნებს და გააუმჯობესებს ბუნებრივ მდგომარეობას.

ქართულ არქიტექტურაში, უკანასკნელი წლების განმავლობაში, ბუნებრივმა კომპონენტმა - მწვანე გადახურვამ აქტუალობა შეიძინა.

რას ნიშნავს მწვანე გადახურვა და რა სარგებლის მიღება შეგვიძლია, ვიზუალური გაუმჯობესების გარდა?

გამწვანების ინტეგრირება არქიტექტურაში 21-ე საუკუნის აქტუალურ ტენდენციად იქცა. არქიტექტორების მოვალეობაა, შექმნან გარემო, რომელიც არა მხოლოდ საზოგადოების მოთხოვნილებების დაკმაყოფილებაზე იქნება ორიენტირებული, არამედ შეინარჩუნებს და გააუმჯობესებს ბუნებრივ მდგომარეობას.

მწვანე გადახურვა განიხილება, როგორც ესთეტიური და ბუნებასთან დაახლოვებული მომავლის პერსპექტივა, რომელიც ადამიანების განწყობასა და ჯანმრთელობაზე დადებითად აისახება.

შენობების სახურავები, დიდწილად წარმოადგენდა აუთვისებელ სივრცეებს, რომელიც დღემდე გამოუყენებელი რჩებოდა. თანამედროვე სამყაროში კი, ტერასის მწვანე გადახურვა, ტენდენციაა. მწვანე გადახურვის დროს, მთლიანი სახურავის გარდაქმნა მის ზედაპირზე, ნიადაგის ფენისა და სხვადასხვა მცენარეული საფარის გაშენებით ხდება.

სტანდარტული სახურავის ნაცვლად, მწვანე საფარის გაშენება, საშუალებას გვაძლევს არა მხოლოდ ვიზუალური მხარე გავაუმჯობესოთ, არამედ მივიღოთ სხვა მნიშვნელოვანი სარგებელი:

• სახურავზე მოწყობილ ბაღს, მაღალი თერმული იზოლაცია აქვს, რაც ხელს უწყობს ზამთარში შენობაში სტაბილური ტემპერატურის შენარჩუნებას, ხოლო ზაფხულში - სიგრილის;
• მწვანე სახურავი კრებს ატმოსფერულ ნალექებს, რითაც ამცირებს დატვირთვას საკანალიზაციო სისტემაზე და აბრუნებს მათ ბუნებრივ ციკლში;
• იზრდება მწვანე, ბუნებრივი საფარით განაშენიანებული ტერიტორიების რაოდენობა;
• გამწვანებული ბაღების შექმნა, შესაძლებელია როგორც მრავალსართულიანი და ინდივიდუალური სახლების სახურავებზე ასევე ტერასებზეც;
• გვეძლევა საშუალება, ავითვისოთ გამოუყენებელი სივრცე და სასარგებლო დანიშნულება მივცეთ;
• სახურავის გამწვანების მოწყობის შემდეგ, შესამჩნევი ხდება ხმაურის შემცირება საცხოვრებელ ზონაში. ეს ფაქტორი, გაზრდის სიმყუდროვის შეგრძნებას თქვენს სახლში;
• მწვანე საფარი ანადგურებს მავნე ნივთიერებებს, როგორიც არის გამონაბოლქვი, მხუთავი აირები და სახვა. ამცირებს დაბინძურების რისკს და ზრდის ჟანგბადის რაოდენობას;
• ერთ-ერთი მნიშვნელოვანი საკითხი, ესთეტიურობაა. აღნიშნული სისტემა ყურადღებას იქცევს ვიზუალური მხარით და ქმნის ბუნებრივ ჰარმონიას.

მწვანე სახურავისათვის საჭიროა მცენარეების  სწორად შერჩევა. ყველაზე მეტად, უპრეტენზიო, ხისტი ღეროსა და მყარი ფესვების მქონე მცენარეები გამოდგება, რომლებსაც თანამედროვე ეკოსისტემაში თავისუფლად ადაპტაციის უნარი აქვთ.

ლანდშაფტის დიზაინერები და სელექციონერები, ფლორის არჩევისას გამოყოფენ რამდენიმე საკითხს, რომელზეც ყურადღება უნდა გავამახვილოთ:

• ფესვთა სისტემა რეკომენდებულია იყოს მცირე და ჰორიზონტალურად განლაგებული. მაგალითისთვის, ფუნჯა ფესვთა სისტემის მქონე მცენარეები;
• აარჩიეთ ყინვაგამძლე მცენარეები. მათ უნდა შეძლონ ზამთრისთვის დამახასიათებელი ტემპერატურის ატანა;
• თუ არჩევანს ხეებზე შეაჩერებთ, უმჯობესია უპირატესობა ჯუჯა სახეობის, მცირე ფესვებიან ხეებს მიანიჭოთ;

ასევე, არ უნდა დაგვავიწყდეს, რომ მწვანე გადახურვაში ერთ-ერთი მნიშვნელოვანი კომპონენტი მაღალტექნოლოგიური სადრენაჟე სისტემის გამოყენებაა.

მწვანე არქიტექტურა დღესდღეისობით, ამერიკული და ევროპული თანამედროვე არქიტექტურის ერთ-ერთი მნიშვნელოვანი ტენდენციაა. ჩვენს ქალაქშიც ჩნდება სახლები, რომელთა სახურავებიც ნარგავებით დაიფარა და შესაბამისად, ვიზუალური თუ შინაარსობრივი ტრანსფორმაცია განიცადა. 

მწვანე სახურავები, ქალაქში, რომელიც სიმწვანის ნაკლებობას, უხვ გამონაბოლქვსა და ხმაურს უჩივის, ნამდვილად იქცევა იმ მარტივ გამოსავლად, რომელიც პრობლემის გადაჭრის პარალელურად, თქვენს საცხოვრებელ გარემოს მეტად კომფორტულსა და მყუდროს გახდის. ჩვენს ქალაქში კი, სადაც სივრცე როგორც ჰორიზონტალურად, ასევე ვერტიკალურად იზრდება, სახურავის გამწვანება ყველაზე ჯანსაღი მიგნებაა.

სწორედ ამიტომ, კომპანია ციტადელი მომხმარებლებს ჯანსაღი ცხოვრების რითმის შესაქმნელად მწვანე გადახურვის სისტემებს 2016 წლიდან სთავაზობს.