ეზოს მოწყობის მარტივი გზები

Covid 19-ით გამოწვეულმა #დარჩისახლში რეჟიმმა დაგვანახა, თუ რაოდენ საჭიროა მწვანე სივრცე ჩვენს სამეზობლოში, ხოლო მათ, ვინც ვცხოვრობთ კერძო სახლში და გვაქვს ეზო მისი კეთილმოწყობის საკითხი დააყენა დღის წესრიგში. ამ მარტივი იდეებით, თქვენ შეძლებთ გარდაქმნათ თქვენი ეზო პაწაწინა ოაზისად იაფად და თქვენივე ხელით.

გამოიყენეთ ფერები - შეღებეთ ყვავილების ქოთნები, აივნის მოაჯირი და რიკულები KUDO-ს ბრენდის აეროზოლური საღებავით. 

ფანჯრის რაფებზე გარედან, მოაწყვეთ სპეციალური ყუთები მცენარეებისა და მწვანილისთვის. თქვენ წარმოიდგინეთ, მსგავსი ყუთები ყველანაირი ტიპის სახლს უხდება. ასევე, კარგი იდეაა, კოცონის ასანთების მოწყობა, რომელიც შემდგომში გამოგადგებათ მწვადის შესაწვავად და საპიკნიკე შეკრებებისთვის.

შეღებეთ აივნის ჭერი და აღჭურვეთ ავეჯით. გამოიყენეთ ფერადი ბალიშები და აქსესუარები.

აბა? რა ფერს აირჩევთ? ბევრი რომ არ იფიქროთ, #ციტადელიგირჩევთ Jumbo -ს ბრენდის საღებავები შეგიძლიათ გამოიყენოთ. 

თუ სახლში, ძველისძველი ავეჯი გაქვთ და გადაგდება გენანებათ, მაგრამ სახლშიც არ გინდა გქონდეთ, ადგილი ეზოში მიუჩინეთ. ოღონდ ჯერ წყალგამძლე საღებავით ან ლაქით დაფარეთ.

საოჯახო სადილები ღია ცის ქვეშ, მაშინ როცა ამინდიც ხელს გიწყობთ განსაკუთრებულია. თან თუ პანდემიის უსაფრთხოების წესებს გავითვალისწინებთ, სტუმრების მისაღებადაც იდეალურია.

თუ ხეს ვერ დარგავთ, ქოთნის მცენარეები გამოიყენეთ. მთავარია, თქვენი ეზო მწვანე სივრცედ აქციოთ. სიმწვანე დადებით გავლენას ახდენს მენტალურ ჯანმრთელობაზე.