ორიენტირებული ბურბუშელოვანი ფილა ანუ OSB3 ინტერიერში
5 აპრილი
OSB3, იგივე ორიენტირებული ბურბუშელოვანი ფილა წარმოადგენს ხის ანათალისა და წყალგამძლე შემკვრელის, ეკოლოგიურად სუფთა, დაწნეხილ, მრავალფენიან ფილას.
მის ტექნიკურ დახასიათებაში ვკითხულობთ, რომ ფილა განსაკუთრებულად მდგრადია ტენიანი პირობებისადმი, არის ნესტგამძლე და მტკიცე. გამოიყენება კონსტრუქციებში - კედლები, იატაკები, სახურავები, კიბეები. ასევე, ინტერიერის დიზაინში დეკორატიული ჩანართების სახით და ავეჯის წარმოებაში.
საქართველოში OSB3-ს ძირითადად მშნებლობებისა და ეზოების შემოსასაზღვრად იყენებენ. მიუხედავად იმისა, რომ ფილა ნესტგამძლეა, არ არის წყალგაუმტარი და მისი უშუალო კონტაქტი ნალექთან იწვევს მასალის დროთა განმავლობაში დეფორმაციას.
დადებითი მხარე
- იაფია. მისი გამოყენება დაგიზოგავთ ფინანსებს.
- ეკოლოგიურად სუფთა, დაწნეხილი, მრავალფენიანი ფილაა და მისი ინტერიერის დიზაინში გამოყენება მნიშვნელოვნად გააუმჯობესებს თქვენი სახლის ინტერიერს.
- უზრუნველყოფს ეფექტურ თერმო და ხმის იზოლაციას.
- მარტივია ფილის სასურველ ზომებად დაჭრა და ინსტალაცია.
- მისი ორიენტირებული ზედაპირი ადვილად იღებება და იხატება ნებისმიერი ფერის აკრილის საღებავით.
უარყოფითი მხარე
- მომცრო ნაჭირებად დაჭრისას ფილის სტრუქტურული ერთიანობა ირღვევა და იშლება.